Barcelona dhe Real Madrid kanë mësuar kundërshtarët për raundin e 1/32 të Copa del Rey.

Barcelona e nis mbrojtjen e trofeut si mysafir ndaj skuadrës së kategorisë së tretë, CD Guadalajara. Ndeshja zhvillohet në stadiumin me 6 mijë ulëse të “Estadio Pedro Escartín”, shkruan Arbresh.info.

Real Madrid, ndërkohë, do të udhëtojë drejt CF Talavera, gjithashtu skuadër e divizionit të tretë dhe në momentin e shortit ndodhet në vendin e fundit të kampionatit. Ata luajnë në një stadium me rreth 5,000 tifozë.

Ndryshe nga ekipet e tjera të La Ligës që i bashkohen Kupës së Mbretit që në raundin e parë, skuadrat pjesëmarrëse në Superkupën e Spanjës kanë privilegjin të kalojnë automatikisht dy raundet e para.

Përveç, Barcelonës e Realit, edhe Atletico Madrid e Bilbao e nisin Copa del Rey nga ky raund pasi edhe këto janë pjesëmarrëse në Superkupën e Spanjës.

Të përzgjedhurit e Simeones do të luajnë ndaj Atlético Baleares, kurse Bilbao do të ketë punë me Ourense CF.

Raundi i 1/32 do të nisë më 16 dhjetor./Arbresh.info

SHORTI I PLOTË:

• Ourense CF vs. Athletic Club
• Atlético Baleares vs. Atlético Madrid
• CF Talavera vs. Real Madrid
• CD Guadalajara vs. FC Barcelona
• Real Murcia vs. Real Betis
• CD Eldense vs. Real Sociedad
• Burgos CF vs. Getafe CF
• Cultural Leonesa vs. Levante UD
• SD Eibar vs. Elche CF
• RC Deportivo vs. Real Mallorca
• Real Racing Club vs. Villarreal CF
• Real Sporting vs. Valencia CF
• SD Huesca vs. Osasuna
• Granada CF vs. Rayo Vallecano
• Albacete Balompié vs. RC Celta Vigo
• Deportivo Alavés vs. Sevilla FC